الماتى مۋزەيىندە ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا و.تاڭسىقبايەۆ اتىنداعى الماتى ساندىك-قولدانبالى ونەر كوللەدءجىنىڭ 80 جىلدىعىنا جانە ت.جۇرگەنوۆ اتىنداعى قازاق ۇلتتىق ونەر اكادەمياسى مەكتەپ-ينتەرنات، كوللەدءجىنىڭ 30 جىلدىعىنا وراي «شەبەر قولدار» تاقىرىبىندا اعاش ويۋ جانە زەرگەرلىك بۇيىمدار بايقاۋى، سونداي-اق، وسى باعىتتا شەبەرلىك ساباقتارى ءوتتى.
بۇل بايقاۋ جاڭا تالانتتاردى اشۋ، ساندىك-قولدانبالى ونەردى سۇيەتىن جاس جەتكىنشەكتەردىڭ كاسىبي شەبەرلىگىن شىڭداۋىنا مۇمكىندىكتەر تۋعىزۋ، ولاردىڭ ينتەللەكتۋالدىق دەڭگەيىن جەتىلدىرۋ، وتاندىق جانە الەمدىك ونەر مەن مادەنيەتكە دەگەن قىزىعۋشىلىعىن ارتتىرۋ ماقساتىندا ۇيىمداستىرىلدى.
«شەبەر قولدارعا» الماتى قالاسىنىڭ كوركەمسۋرەت كوللەدجى ستۋدەنتتەرى مەن وڭتۇستىك قازاقستان وبلىسىنىڭ تۇركىستان قالالىق قولونەر مەكتەبى وقۋشىلارى قاتىستى. جاستاردىڭ ءتۇرلى تاقىرىپتاعى جۇمىستارى بىرىنەن-بىرى وتەدى: بارىندە دە جۇرەك بار، سەزىم، شابىت، وتانشىلدىق رۋح بار. جاس ونەر يەلەرىنىڭ بۇيىمدارىنا و.تاڭسىقبايەۆ اتىنداعى ساندىك-قولدانبالى ونەر كوللەدجىنىڭ ارنايى ءپان وقىتۋشىسى م.وسكەنباي، ءا.قاستەيەۆ اتىنداعى مەملەكەتتىك ونەر مۋزەيىنىڭ عىلىمي قىزمەتكەرى ن.باجەنوۆا جانە ت.جۇرگەنوۆ اتىنداعى قازاق ۇلتتىق ونەر اكادەمياسى كوللەدجىنىڭ ارنايى ءپان وقىتۋشىسى گ.قاستەيەۆا قازىلىق ەتتى.
ءىس-شارا سوڭىندا ءسوز العان تۇركىستان قالالىق قولونەر مەكتەبىنىڭ ءمۇعالىمى ق.تاسوۆ قازاقتىڭ قولونەرىن ناسيحاتتاپ، جاستاردىڭ ۇمتىلىسىن وياتاتىن، تاجىريبە الماساتىن وسىنداي بايقاۋلار، شەبەرلىك ساباقتارى ءجيى ۇيىمداستىرىلسىن دەگەن تىلەگىن ءبىلدىردى.
اتالعان جوبا 2013 جىلدىڭ اقپان ايىنان بەرى جۇزەگە اسىرىلىپ كەلەدى. وسى كەزەڭ ىشىندە، دەمەۋشىلەردىڭ قولداۋى ارقاسىندا «ايالا» قورى الماتى، استانا، ەرەيمەنتاۋ، كوكشەتاۋ جانە ەسىك قالالارىندا ورنالاسقان 10-نان استام بالالار ءبىلىم مەكەمەلەرىندە اعاش، تەمىر جانە تىگىن شەبەرحانالارىن اشتى.
«شەبەر قولدار» جوباسىنىڭ ماقساتى - بالالار ۇيلەرى مەن مەكتەپ-ينتەرنات بالالارىنا ءار ءت ۇلى كاسىپتەردى مەڭگەرۋگە مۇمكىندىك بەرۋ.
